Afghanistan-ah lir a nghing leh

Afghanistan ramah Pathianni zana lirnghing na tak avanga chhiatna nasa tak a thlen hnuah September 4, Ningani zan khan an ram hmarchhak lamah magnitude 6.2 a nain lir a nghing nawn leh.

Pathianni zana magnitude 6-a naa lirnghingin chhiatna a thlena thi zat hi mi 2,200 vel an tling tawh a, hliam 3,640 an awm bawk. Chenna in 6,700 a chhe bawk a ni. Chhiatna thleng tuartute chhan chhuah leh chhawm dawl hna hi thawh chhunzawm zel a ni a, mi tam tak chenna nei loin an awm mek a ni. Ei leh in tur bakah damdawi an mamawh pekna turin World Health Organistion chuan USD mtd 4 mamawh a nih thu a tarlang.

Ningani zana lirnghinna hmun hi an ram hmarchhak lam, Nangarhar province-a Swa district, Pakistan ramri bul a ni. Thawhlehni khan magnitude 5.5-a nain lir a lo nghing tawh bawk a ni.