NKorea-in China a thlawp zel dawn : Kim Jong-un

North Korea ram hotu, Kim Jong-un chuan China in a ram chin humhalh tuma a hma lakna leh, hmasawnna hna a thawhna kawngah North Korea chuan a thlawp zel dawn tih China president Xi Jinping a hrilh.

Kim Jong-un hi China Victor Parade hmanpuiin a zin a, Ningani khan President Xi nen Beijing-ah an inkawm a ni. Kim chuan khawvel dinhmun eng ang pawhin inthlak danglam mah se, NKorea leh China inkara inṭhiatna awm chu a danglam dawn lo tih a sawi. Xi pawhin ram panhnihte chu ṭhenawm ṭha, ṭhian ṭha leh thawhpui ṭha tak an nih thu a sawi ve bawk.

Kim leh Xi hian an ram pahnihte chungchang bakah khawvel huap kaihhnawih thil hrang hrante an sawi dun a, an inkar boruak tihṭhat zel leh inpawhna ṭha zawk an neih zel theihna atan high-ranking official-te pawh intlawh tawn tam zawk turin an rel a ni.

North Korea state media, KCNA chuan Ningani vek han Kim hi NKorea-ah a haw tih sawiin, China ram a tlawh chuan ram pahnihte inrintawnna leh thawhdunna nghet zawk a siam dawn a ni, a ti.