Israel-in Syria-ah missile kaplut

Syria khawpui Damascus chhim lamah Israel chuan Nilaini zan khan missile a kaplut niin Syria news agency SANA chuan a tarlang.

Israel hian a ramluah leh a thunun Golan Heights aṭangin missile hi Damascus chhim lama sipai awmna laiah a kap niin SANA chuan a tarlang a, Syrian air defense-te chuan Israel missile ṭhenkhatte hi an lo kap thla ve bawk nia sawi a ni. 

Nikum December 30 khan Damascus khawthlang lama  Zabadani-a Syrian military base chu Israel missile chuan a lo kap tawh bawk a ni. Syrian Observatory for Human Rights (SOHR) chuan nikum khan Israel hian vawi 39 lai Syria rama sipai awmna lai a bei niin a tarlang a, he beihna avang hian Syria sipai 217 leh pro-Iran fighter eng emaw zat an thih phah tih  a tarlang bawk. 

Nilainia Syria-in an ram chhungah missile kapluta a puh chungchang hi Israel chuan a pha thung a, Syria sipaite awmna hmun hi a bei lo niin a sawi.