Bolivia-in Europe thlawhtheihna tihtawp hun a pawtsei

Europe-a Covid-19 hri kai thar an tam leh tak avangin Bolivia chuan Europe aṭanga thlawhtheihna a tih tawp lailawk chu February 15 thleng a pawtsei. 

Nilaini khan thlawhtheihna tihtawp lailawk chungchangah hian Bolivia president Luis Arce chuan an rama hri inkai darhna a nasat loh nan khapna an siam hi tihtawp lailawk chu pawhsei a nih thu a sawi. UK-ah hian Covid-19 hri dang chi VOC-202012/01 chu nikum kum tawp lam aṭang khan kai thar an tam chho ṭan a, hei vang hian Europe-ah he hri kai hi an pung chho a ni. Ram hrang hrang 40 chuang chuan an ram mipuite hri laka an him theih nan UK aṭanga thlawhtheihna lut turte an titawp lailawk tawh a ni. 

Bolivia ministry of health chuan an ramah Covid-19 hri kai tawh mi 1,65,268 an awm thu a tarlang a, heng zinga mi 9,241 chu he hri vang hian an thi tawh a ni.