Myanmar President-in inthlanah chuh a tum tawh lo

Myanmar President Thein Sein chuan November 8-a an ram parliament inthlanpui neih turah chuh a tum tawh lo tih a sawi.

President office-a senior official chuan nimin khan he thu hi a sawi a, "President chuan rorellai, Union Solidarity and Deve­lopment Party (USDP) chairman Shwe Mann hnenah lehkha thawnin, a hriselna ṭhat tawk loh avangin inthlanpuiah hian chuh a tum loh thu a hrilh a ni," a ti.

Sipai hotu hlui, Thein Sein hi kum 2010 inthlanpuia thlan tlin a nih hnuin electoral college chuan an ram vice president pathum zinga pakhat turin a nominate a ni. A hnuah President atan thlan a ni zui leh ta a ni.

USDP chairman Mann chuan President lehkha a dawn hnu hian eptu hruaitu, Aung San Suu Kyi chu meeting a neihpui nghal a, mahse an thu sawidun erawh puanzar a ni lo.

Suu Kyi-i party, National League for Democracy chuan inthlanapuiah hian chuh an tum thu an puang tawh bawk.