Greece PM-in a party sawisel a tawk

Thawhṭanni khan Greece leh eurozone hruaitute chuan Greece leiba khaichhuahna turin inremna an siam a, hetihlai hian Greece Prime Minister Alexis Tsipras-a'n eurozone-in an puihna tura Germany rawtna siam a pawm chu a party mi leh sate ngeiin an sawisel.

Eurozone-in euro tlukleh­dingawn 80 hmanga an leiba avanga an buaina aṭanga a khaih­chhuahna tur inremna an siam theih nan hian Greece chuan eurozone-in rawtna a neihte a pawmpui a ngai a ni. Heng zingah hian inrenchemna kalpui tura Germany rawtna siam, PM Tsipras-a'n a pawm chu an ram mipuite'n an sawisel zui nasa hle.

Inremna an siam angin PM Tsipras hian pension tihtlemna tur leh chhiah tihpunna tur dante a siam a ngai dawn a ni. Hei bakah hian public sector bungrua, euro tluklehdingawn 50 hu chu sum puktirtute enpuina hnuaiah a hralh a ngai bawk ang.