Myanmar-ah hlawh san phutin kawng zawh

Myanmar rama in­hlawh­fa ṭhinte chuan an nikhat hlawh tihsan phutin Pathianni khan Yangon-ah kawng an zawh.

National Minimum Wage Committee chuan nitina inhlawhfa ṭhinte tana hlawhbi hniam ber chu ni khatah kyat 3,600 (dollar 3.18) ah a bithliah a, hei hi kyat 4,000 (dollar 3.54) a tihsan an phut.

Hnathawktute'n nawrh an huaihawt hma hian factory neitu hrang hrangte chuan nuar lo turin an vau lawk. Factory neitute chuan hnathawkte hlawh tihsan a nih chuan an sumdawnna a nghawng thei dawn tih an sawi a, thawmhnaw siamtu factorty ṭhenkhat neitu, China leh Korea mite chuan hlawh tihsan a nih chuan an factory kharah an vau bawk.