Trump-a'n The New York Times khinna theh lut

US president Donald Trump chuan The New York Times chanchinbu leh an journalist palite chu dik lo taka a chanchin chhuah leh tihmingchhiaah puhin, USD tld 15 chawi tura phutin court-ah khinna a theh lut.

Florida-a US District Court-ah thubuai a thehluhah hian chanchinbu a a chungchang an ziahna article hrang hrang bakah, an journalist pahnih lehkhabu ziah, 2024 inthlan dawna tihchhuahte tarlan a ni. The New York Times chu Radical Left Democrat Party tana thupuangtu a ni tiin, kum tam tak chhung President Trump tihhmingchhiat tuma beitu a ni,tiin an ziak. President chungchanga thu ziakte a dik lo tih hre reng chunga chhuah ṭhinah puh a ni bawk.

Trump hian July thla khan The Wall Street Journal leh media mogul Robert Murdoch te chu financier, Jeffrey Epstein nen inzawmna ṭha tak neia puhna chanchin an ziah avangin tihhmingchhiat tuma puhin, USD tld 10 defamation lawsuit a lo theh lut tawh bawk a ni.