Nigeria Pre.-in an ram khaichhuahna tur a pawm

Nigeria President Muham­mandu Buhari chuan an ram sum din­hmun tlachhe tur khai­chhuah­na tura dollar tluk­leh­dingawn 2.1 pek­­na tur chu a pawm a, heng sum hi sorkar hna­thawkte hlawh atan pek a ni ang.

Nigeria rama state 36 zinga 12 te chuan an hnathawkte hlawh leh allowance, dollar maktaduai 550 chuang zet a batsak tawh a ni. Hnathawktu tam tak hian thla sarih hlawh an la tawh lo.

Sorkarin sum a lak­­luhna pui ber chu rampawn lama tuialh­thei thlitfim loh a thawn­chhuahna aṭangin a ni a, mahse tun hnaia khawvel pumah oil man a tlakhniam nasat avangin hei hi a tuar a ni.

President Buhari chuan an ram sum bawm chu a ruak deuhthaw tawh tiin thla hmasa khan a lo sawi tawh a ni. Mahse hruaitu hmasa te'n an ram sum tam tak an ruk te chu la kir leh ngei tura a beih tur thu a sawi. President hian March thlaa inthlanpuia a chak hnu khan an rama eirukna hluar lutuk tihtawp a lo tiam tawh bawk.

Nigeria ram hi oil hralhchhuak tam ber zinga mi ni mah se, sorkar sum lakluh tam zawk hi hruaitute'n an eiru zo nia sawi a ni.