Myanmar inthlanpui neih hun tur ruat fel

Myanmar Union Elec­tion Commission (UEC) chuan an ram inthlanpui neih hun atan November 8 a ruat fel ta.

November thlaa inthlan neih tur hi Myanmar rama sipai rorelna titawp a nih hnua rampum huapa inthlan an neih hmasakna ber tur a ni.

Myanmar inthlanpui neih hnuhnung ber chu sipai rorelna hnuaiah kum 2010 khan neih a ni. Mahse he inthlanah hian sipai lam thlawptu, Union Soliditary and Development Party (USDP) a chak theihna turin vote tihchingpen niin eptu lam chuan a sawi. Eptu pawl, Aung San Suu Kyi-i party National League for Democracy (NLD) party chuan he inthlan hi a boycott a ni.

Kum 1990-a inthlanpui neihah khan NLD hi hneh taka thlan tlin an ni a, mahse sipai sorkar chu inthlan result hi ngai pawi­mawh loin, NLD kuta thuneihna hi a hlan chhawng duh lo a ni.

November thlaa in­thlan­pui neih tur hi khaw­­thlang lam aiawhte'n an neihpui beisei a ni. March thla khan minister chuan inthlan pui turin European Union leh US-a Carter Centre chu sawm an tum thu a lo sawi tawh a ni.

US chuan UEC in inthlanpui neih hun tur a puang ta chu lawmawm a tih thu a sawi a, State Department thupuangtu Mark Toner chuan, "Par­lia­ment inthlan rintlak tak buatsaih a nih chuan Myan­mar rama democracy kalpuina tura hmalakna pawimawh tak a ni dawn a ni," a ti.