Kum 3 tang turin Italy PM hlui hrem

Italy Prime Minister hlui, Silvio Berlusconi chu Naples court-in eiruk thubuaiah thiam loh chantirin, kum thum tang turin a hrem.

Kum 78 mi, Berlusconi chuan court thutlukna chu thil awm lo tak nia a ngaih thu leh, politics-a a dinhmun tihchhiat tumna niin a puh. A ukil, Niccolo Ghedini pawhin court thu rel dan chu dik tawk loa a ngaih thu sawiin, an appeal hunah PM hlui hremna pawh hi an sut leh ngei a rin thu a sawi.

Court chuan Berlusconi hian senator pakhat hnenah, amah thlawp turin thamna US dollar maktaduai 3.3 a pe niin a sawi.

Hemi hma hian Berlusconi hi chhiah awlrua puh a nih chungchangah kum khat chhung com­munity service ti tura hrem a lo ni tawh bawk.