Britain-in Tunisia chhuahsan turin an mite hriattir

Britain chuan an mi leh sate chu Tunisia ram chhuahsan turin a hriattir. Hei hi Tunisia rama thuneitute'n venhimna an pek ṭhat theih loh vang niin a sawi.

June thla khan Tunisia ram tuipui kama hotel chu mi pakhatin a bei a, British mi 30 an thi tel a ni.

Foreign Office chuan, "Tunisia sorkar nen chuan thawhdunna ṭha tak nei mah ila, Tunisia ramah hian firfiaka chetna dang a thleng leh thei reng a ni. British mi khualzinte hian venhimna ṭha tak an dawng lo nia kan hriat avangin Tunisia ram hi tlawh rih lo tur leh, khualzin awm mekte pawhin chhuahsan se kan duh a ni," a ti. Hemi hma hian Tunisia ramri bula khualzin ho tlawh ṭhin hmun pawimawhte chu tlawh lo turin an mite chu a lo ngen tawh bawk.

Tunisia ram aṭanga haw duh te tan Britain hian thlawhtheihna pawh a tirh belh dawn a ni.