Bangladesh-a innek buainaah mi 17 an thi
Bangladesh hmar lam Mymensingh khuaa a thlawna thawmhnaw semna hmuna mipui innek buaiin mi 17 an chil hlum.
Muslim thla pawimawh, Ramadan an hman denchhenin Bangladesh-a mi hausa te chuan mi retheite hnena a thlawna sem tur thawmhnaw tam tham tak an pe a, an sem chhuahna tur hmuna mipuite pungkhawmte chu kal hmasa nih inchuhin an innek buai ta a ni.
Police-te chuan Mymensingh khuaa vaihlo siamna factory-ah thawmhnaw te hi sem tum a ni a, pawn lamah mi 1,500 chuang zetin nghakin gate an hawn chuan luh hmasak inchuhin an innek buai ta niin an sawi. Mi 17 an thih bakah mi dang eng emaw zatin hliam an tuar bawk.