Kim Jong-un-a'n official 70 a tihhlum tir tawh

North Korea ram hotu lu ber, Kim Jong-un chuan kum 2011-a thu­neihna a chan aṭang­in official 70 a tih­hlumtir tawh.

South Korea spy agency chuan he thu hi sawichhuakin, Kim Jong-un chu a pa, Kim Jong-il aiin a let sarih zetin official a tih­hlumtir tam tawh zawk tiin a sawi.

Kim Jong-un-a'n official a tihhlum tir zingah hian a pu, (a ni pasal) Jang Song Thaek leh defence minister Hyong Yong-Chol te pawh an tel. Thaek hi NKorea rama thilti thei ber dawttu anga ngaih a ni a, a dinhmun chuh thei tura a ngaih avangin a hua nia sawi a ni a, Yong-Chol hi mee­ting laia a mutthluk avanga a tihhlumtir nia sawi a ni.

April thla khan SKo­rea news agency chuan Kim hian amah zah loa puhin official 15-te chu a kahhlumtir tiin a sawi a, an zingah hian vice minister pa­hnih an tel. Tun hnaia Pyongyang-a North Korea airport terminal an hawn thar design-tu, Ma Won-chun pawh rawng taka tihhlum nia sawi a ni.

Report chuan offi­cial 70 tihhlum an nih bak­ah, mi dang eng sang tel chu tan-in leh work camp-ah rim taka chhawr leh nghaisak an tawh avangin an thi tawh bawk tiin a tarlang.