Pope-in ngaihdam a dil

Roman Catholic kohhran hotu, Pope Francis chuan Santa Cruz, Bolivia-a thu a sawinaah Catholic kohhranin Latin America mite chunga a lo tihsual tawhah ngaihdam a dil.

Latin America-te'n colonial era laia anmahni awptu lak aṭanga zalen tuma an beih chungchangte sawichhuakin, Pope chuan heng hun laia an kohhranin an laka thil ṭha lo tak tak a lo thlensak avangin ngaihdam a dil a, mipui kalkhawmte chuan ding chunga kut bengin a thusawi hi an lo lawm a ni.

Pope-in Santa Cruz-a mass a buatsaiha a duh apiang an tel theih nan Bolivia sorkar chuan Ningani kha sorkar chawlhah a puang a ni.

Kum 2000 khan Pope John Paul II chuan Vatican aṭangn Juda mite bakah hnam leh pawl hrang hrangte laka an kohhranin thil a lo tihsual laka ngaihdam a lo dil tawh bawk.