Covid darh dan tichhuaktu Chinese journalist kum 4 tang turin hrem

China-a Wuhan khawpuia Covid-19 hri len ṭan dan leh, a darh chhoh dan chungchang tichhuaktu, Chinese journalist Zhang Zhan, kum 42 mi chu kum li chuang tang turin kar liam ta Zirtawpni khan hrem a ni.

Zhang Zhan hi mi dangte tibuai leh China-a harsatna thlenah puhin thubuai siam sakin, Covid hri darh chhuah dan chungchang a post vangin kum 2020, December thla khan man a lo ni tawh a ni. Man a nih hnu hian lungawi lohna lantirin chaw ngheiin a nuar a, mahse police-te chuan a kut phuar betin tube hmangin ei tur an pe lui niin a lawyer-te chuan an sawi.

Kum 2024, May thla khan chhuah niin, thla thum hnuah man a ni leh a, Shanghai-a Pudong Detenton Center-ah dah a ni.

Reporters Without Borders chuan Zhang hi China-a human rights palzuta puhin thubuai siamsak a ni tih a sawi a, China thuneitute lam chuan hrem a nihna chhan ber thubuai hi eng tak nge tih erawh an sawilang lo.

China hi medial worker man tawk tamna ber niin, journalist 124 vel tang an awm mek nia sawi a ni. 2025 RSF World Press Freedom Index-ah pawh ram 180 zingah 178-na a ni.