Dominican Republic-ah cocaine kg 1,000 an man

Dominican Republic ram thuneitute chuan tun hnai-a US Navy ten an kah chhiat, speedboat-ah cocaine kg 1,000 an man tih Pathianni khan an sawi.

National Directorate for Drug Control chuan cocaine an man hi bawm 377-ah dah a ni tih sawiin, he lawng hi Isla Beta chhim lam mel 180 velah tih chhiat a ni tih an tarlang. Lawnga ruihhlo phurh hi Dominican Republic-ah dah a, heta ṭang hian US-ah tawlh luh tum niin an tarlang a, US thuneitute an thawk ho tih an sawi bawk. Hei hi US leh Dominican Republic-in Carribean-a ruihhlo do beihpui thlak an neih dunna hmasa ber a ni tih an thuchhuahah an tarlang.

August thla khan US chuan Carribean chhim lamah ruihhlo tawlhruk veng turin tuihnuailawng leh indo lawng pariat bakah fighter jet 10 a lo tir tawh a, ruihhlo phurtu speedboad pathum chu an kap chhe tawh tih an sawi. Ruihhlo phurtu lawng an kahnaah hian lawnga chuang mi 10 chuang an thi tel a, hei vang hian human rights group lam chuan an sawisel a, kar liam ta Zirtawpni khan Democratic senator pahnih chuan Congress-ah lawng beih chu tihtawp phutin resolution an pu lut a ni.