Charlie Kirk puala hun hmanah tel an ṭhahnem

US-a conservative activist lar, September 10-a kah hlum Charlie Kirk hriatrengna hun chu an ram huna Pathianni khan Glendale, Arizona-a State Farm Stadium-ah hman a ni a, tel an ṭhahnem hle. US president Donald Trump, vice president JD Vance bakah official tam tak an tel a ni.

Stadium-a hun hmanaa tel tum hian a hma zanah mi tam tak chu an lo camp lawk a ni. Hun hmanah hian Kristian artist eng emaw zatin Pathian fakna hla an sa bawk.

Charlie Kirk nupui, Erika Kirk chuan a pasal thattua puh chu a ngaihdam thu a sawi a, "Ka pasal, Charlie khan ṭhalaite chhanhim a duh a, a nunna laksaktu angte kha," tiin Isua Krista in amah khengbettute a ngaihdam ang khan ani pawhin a pasal thattu chu a ngaidam tih a sawi. "Huatna hi huatna veka chhan let tur a ni lo," a ti. A pasal hnathawh chu a chhunzawm zel tur thu a sawi.

President Trump pawhin thu sawiin, Kirk chu American pasalṭha ropui tiin huaisen taka ding a, fing taka mi a hnialthlak ṭhin avangin thah a nih phah tih a sawi. Mi hrang hrangin Kirk pualin thu an sawi bawka, an zingah vice president Vance, secretary of state Marco Rubio, secretary of war Pete Hegseth leh health secretary Robert F Kennedy Jr te pawh an tel.