Kum 60 dawn hnuah UNGA-ah Syria President-in thu sawi

United Nations General Assembly (UNGA) neih mekah Nilaini khan Syria president Ahmad al-Sharaa chuan thu a sawi a, kum 60 dawn hnua UNGA-ah Syria President zinga thu sawi leh hmasa ber a ni.

UNGA-a Ahmad hmaa Syria President thu sawi hnuhnung ber chu kum 1967-a Noureddine Attasi thusawi kha a ni a, hei hi Arab-Israel war zawh hnu lawkah a ni. He indonaah hian Syria chuan Golan Heigths a thununna chhuhsak a ni a, kum 1981 khan Israel in a luah zui bawk.

Kum 1970-a Attasi paihthla a, Syria-a Assad chhungkuain thuneihna an chan chhoh kum 60 dawn dictator hnuaiah awmin, ram mipuite tawrhna nasa tak a thleng a, mi tam tak thah an ni bawk. Kum 54 chhung Assad chhungkaw rorelna hnuaia awm chhungin UNGA-ah hian Syria aiawhin foreign minister hlir an kal ṭhin. Nikum December thla khan al-Sharaa kaihhruaiin president aṭangin Bashar al-Assad chu paihthlak a ni a, kumin January thla khan interim president atan al-Sharaa hi lak luh a ni.

Syria President chuan an ram president hlui, Assad-a rorel laia khawthlang ram hrang hrangten an ram hrekna an lo siam tawh chu hlip turin a ngen.