Taliban-in internet titawp

Afghanistan-a Taliban sorkar chuan nimin aṭang khan an ram pumah internet leh mobile network service a titawp a, a chhan erawh a la sawi lo.

Kum 2021-a thuneihna an chan aṭangin Taliban sorkar hian Islamic Shariah law an hmang a, an ramah khuahkhirhna hrang hrang an siam a ni. A bikin hmeichhiate khuahkhirhna a siam nasa zual a, kum 12 chunglam chu pawn lama zirna an chhunzawm a khapsak bakah, park-a kal chhuah leh zin chhuah dawn pawhin an laina mipa tel loa an kal a khap. Tun thla tir lam khan university-ah hmeichhe ziah lehkhabu reng reng zir a khap leh bawk.

Internet service tihtawp chhan hi sawichiang lo mah se, official-te chuan thu leh awm hma chu tihtawp a ni dawn tih an sawi. A hmain Taliban sorkar hian internet hman theih dan kawng dang an ngaihtuah dawn tih an lo sawi tawh a ni.