Greece-ah labour law siamthar tur duh lohna lantir

Greece sorkarin labour law siamṭhatna turah, ni khata hnathawh hun chhung darkar 13 thleng huam tir theih a tum chu duh loin Nilaini khan sorkar hnathawk leh private sector hnuaia thawktu hrang hrangten darkar 24 awh lungawi lohna an lantir.

Private sector-a pawl hrang hrang intelkhawm, General Cofedratino of Workers of Greek Workers (GSEE) chuan thuchhuah siamin, darkar 13 hnathawh hun tura tih chu an duh lo tih an sawi. 'Hah lutuka inchhawr chu hmasawnna a ni lo a, mihring hian tlin chin a nei a ni,' an ti. Kar khat chhunga overtime tela hnathawh hun tur darkar 48 tih chu darkar 37 leh a chanveah tihhniam an phut. GSEE chuan hnathawh hun chhung rei lutuk tura duan chuan hnathawkte hriselna leh himna thlengin a tiderthawng a, an mimal tan hun an nei tlem dawn lutuk niin an sawi.

All-Workers Militant Front (PAME) pawhin prime minister Kyriakos Mitsotaki kaihhruai sorkar thiltih chu sala inchhawrna ang a ni tiin, mihringte chunga thiltih awm lo a ni tih an sawi ve bawk.

Hetih lai hian sorkar chuan labour law siamṭhat tumna hi hnathawktu ṭhenkhat, hna tam zawk thawh duhte huam theihna tura tih a ni tiin, dan siamṭhat hi kum khatah ni 37 chauh hman tura tih a nih thu a sawi thung. He ruahmanna hman leh hman loh chungchang chu hnathawktu leh a chhawrtute duhthlan tur a ni, tiin PM chuan a sawi.