Saudi Arabia-in car hman ngaih lohna khawpui din a tum

Khawvela oil laichhuak hnem ber ram, Saudi Arabia chuan car telloa khawsak theihna tur, kilometer 170 laia zau "The Line" khawpui din a tum.

Crown Prince Mohammed bin Salman chuan an ram tana a hmathlirte puangchhuakin an ramah chuan car tello khawsak an tum tih a sawi a, hei hian carbon emission a ti tlem ngei dawn niin a sawi bawk. The Line hi US dollar vaibelchhe 500 hu NEOM project hnuaia mi a ni a, he khawpuiah hian car leh motor kawng a awm dawn lo.

He khawpui hi first quarter aṭanga sak ṭan tum a ni a, khawpuiah hian mi maktaduai 1 vel an chen theih beisei a ni. Kum 2030-ah chuan peihfel hman an tum a, he project senso hi  USD tluklehdingawn 100-200 vel a ni dawn nia sawi a ni.