China puihnain Myanmar-ah center pahnih siam dawn

China puihnain Myanmar chuan Pathianni khan an ramah National Center of Disease Control (CDC) leh Medical Training Center project siam a nih dawn thu Myanmar-a Chinese embassy chuan a tarlang.

P

athianni khan centre pahnih siam tum a nih chungchangah hian inkawmna an nei a, he hunah hian  Myanmar-a China ambassador Chen Hai chuan center an hawn tum pahnih hi peih fel a nih hunah chuan emergency-a inpuih leh inṭanpui a ngaih hunah a ṭangkai dawn hle tih a sawi a; hri leng dona kawngahte, scientific research leh medical personnel training-ahte a ṭangkai hle dawn niin a sawi.

Meeting-ah hian Myanmar health and sports minister U Myint Htwe chuan he project kaltlang hian Myanmar leh China tan health sector leh Covid-19 chungchanga mipuite hnena thurawn inpek leh inṭanpui zung zung a tihawlsam phah dawn tih a sawi. Chinese embassy chuan China-in technical assistance lamah kum hnih chhung a pui dawn tih a tarlang tel bawk.