Nobel Prize in Physics dawng turin mi 3 thlang

Royal Swedish Academy of Sciences chuan 2025 Nobel Prize in Physics dawng turin mi pathum - John Clarke, Michel H. Devoret leh John M. Martinis-te thlan an ni tih a puang. An pathum hian quantum tunnelling leh energy quantisation chungchanga an thil hmuhchhuah leh hnathawh avangin chawimawina hi hlan an ni dawn a ni.

John Clarke hi University of California, Berkley-a thawk niin Michel H.Devoret hi Yale University leh University of California, Santa Barbara-ah a thawk a, John M. Martinis hi University of California, Santa Barbara-a thawk a ni. Kum 1984 leh 1985 khan experiment hrang hrang neiin superconductor hmangin electronic circuit siamin zirchianna an nei a ni.

2025 Nobel Prize dawng turte hi Thawhṭanni aṭang khan puan ṭan ni a, Medicine-a dawng tur puan a ni tawh a, mi pathum hnenah hlan a ni dawn bawk a ni. Chawimawina hi Alfred Nobel thih champha, December 10 hian Stockholm-ah King Carl XVI Gustaf-an a hlan ang. Chawimawina hian gold medal, diploma leh Swedish kronor mtd 11 (USD mtd 1 vel) a keng tel a, a dawngtu hi pakhat aia tam an nih chuan a pawisa hi an insem ang.