Turkey President-in firfiakte tanpuiah khaw-thlang ram a puh

Pakistan ram tlawhtu, Turkey President Recep Tayyip Erdogan chuan khawthlang ramte chu firfiakte ṭanpui ṭhinah a puh a, firfiakte kut aṭanga ralthuam man ṭhinte chu khawthlang ram siam an ni, a ti.

Turkey President hian Pakistan Parliament-ah thu a sawi a, firfiak pawlte chuan Islam sakhaw hming an tichhe hle tih a sawi. ìFirfiak pawl, Islamic State leh al-Qaida-te hian Muslim ramte chungah chhiatna an thlen nasa a, Turkey chuan firfiakte pawh hi a bei chhunzawm zel dawn a ni. Rawlrala chetna thleng ṭhin tibo tura beih hi ram tinte mawhphurhna a niî, a ti. Pakistan Prime Minister Nawaz Sharif-a nena joint press conference an neihah, Turkey President chuan Kashmir chungchangah Pakistan leh India-in buaina an neih chu chingfel thuai turin a ngen bawk.