South Sudan inbeihnaah mi 15 an thi

South Sudan-ah sorkar sipai leh vice president hlui Riek Machar-a thlawptute chu Ningani khan an inbei leh a, mi 15 an thi.

Sipaite chuan Machar-a thlawptu helhoin, Unity State-a Adaab el Bahr khuaa bawng ruk an tum lai man tuma an kal chu helho hian an lo ambush niin an sawi. Sipai leh helho hi darkar khat dawn an inkap zui niin South Sudan sipai thupuangtu, Colonel Santo Dominic Chol chuan a sawi.

Machar-a thlawptu, SPLA-In-Opposition thupuangtu Major Dickson Gatluak Jock chuan, Adaab el Bahr-a inbeihna thlengah hian sipai 20 an kaphum a, Tore-ah sipai 23 dang an kaphlum bawk niin a sawi thung. Helpawl thupuangtu dang, Colonel William Gatjiah Deng chuan Thawhlehni leh Nilaini khan state pahniha sipaite nen an inbeih hnuah khaw pathum an la niin a sawi a, mahse hei hi sipaite chuan an pha thung.

UN-a US ambassador Samantha Power chuan UN Security Council-ah South Sudan hrekna tur draft put luh an tum thu a sawi.