Trump leh Romney-te inkawm

US President-elect Donald Trump leh 2012 Republican presidential nominee Mitt Romney-te chu Inrinni khan an inkawm a, inthlan dawna an inkara inhriatthiam lohna te dah ṭhain, inkawmna hun ṭha tak an hmang tih an sawi.

Donald Trump hian a cabinet member turte a buaipui mek a, Mitt Romney pawh hi US Secretary of state thar tura hming sawilan zingah a tel. Ani bakah hian New York Mayor Rudy Giuliani bakah, UN-a US ambassador hlui John Bolton leh Tennessee Senator Bob Corker-te hming sawilan a ni bawk.

Romney chuan Trump nen hian darkar khat leh minute 20 an inkawm tih sawiin, thil pawimawh hrang hrangte sawidunin, an ngaihdan leh duhdante an sawi dun tih a sawi. Romney hi US President thlanna tura Republican candidate atana Trump-a duh lotu langsar tak a ni a, party nominee a nih loh nana hmalakna ëNever Trumpí movement-ah pawh a hruaitu a ni. Trump hi a President chuan a hlauhawm dawn niin March thla khan a lo sawi tawh a, foreign policy chungchangahte hriat a nei lo tih a sawi a ni.

Donald Trum hian National Security Adviser atan Michael Flyn a ruat tawh. Michael Flyn hi kum 57 mi niin, sipai bang a ni a, kum 2012-2014 khan Defence Intelligene hotu a ni. Iraq leh Afghanistan-ah pawh hun rei tak a lo awm tawh a ni. Ani bakah hian Trump hian Attorney General atan Alabama Senator Jeff Sissions, CIA director atan Representative Mike Pompeo-te a ruat tawh bawk.