Trump-a’n thupha chawi turin Hamilton siamtute a phut

US President-elect Donald Trump chuann Broadway show, Hamilton siamtute chu a changtu zinga pakhatin mipui hmaah Vice President-elect Mike Pence laka thuchah a sawi≠chhuah avangin thupha chawi turin a phut.

Kar kalta Zirtawpni zana Hamilton tih≠chhuah a nih khan a entu zingah vice-president-elect pawh hi a tel a, a changtu zinga pakhat Brandon Victor Dixon chuan Mike Pence-a hnenah thuchah hi a chhiar chhuak a ni. A thuchahah hian America sorkar thar ding tur chuan naupang, nu leh pate, mipui leh an ram te a venhim zo lo leh, an diknate a humhalh sak zo lo ang tih an hlauthawng hle tih a sawi a, an show aṭang chuan America mipuite duhdante chawisanga turin a fuih a, mipuite tana thawk tura a cho chhuah a beisei thu a sawi. America chu mi chi hrang hrang, vun rawng leh hnam hrang hrangte awmna a ni tiin, an show-a a telpui chu lawmthu a hrilh bawk.

Mike Pence chuan an thuchah avang chuan lungawi lohna a neih loh thu a sawi a, hemi rual hian Richard Rodgers Theatre a thlen chuan amah lawm lotu tam tak a awm tih a hriat thu a sawi bawk.