Myanmar ramri-ah sipai leh hel inbei leh

Myanmar hmar lam, Shan state-ah Pathianni khan sipai leh helpawl pathumte an inbei leh a, mi pariat an thi a, an zingah hian sipai pakhat leh police pathum an tel.

Helho hian Musle leh Kutkai khuaa military outpost leh police station an beih bakah, border trade centre an bei bawk a, sipaite nen an inkap zui a ni. Information Committee of the State Counselor Office thuchhuah chuan, hel leh sipaite inbeihnaah hian mi pariat an thih bakah midang 29 in hliam an tuar niin a sawi. Hliam tuar zingah hian civil mi 18 an tel.

Security post beitute hi Kachin Independence Army (KIA), Taíang National Liberation Army (TNLA) leh Myanmar National Democratic Alliance Army (MNDAA) te an ni a, heng pawl pathumte hi sorkarin inkahhai thuthlung a ziah, Nationwide Ceasefire Accord (NCA) ah an tel ve lo. Helho bei tur hian sipai 800 vel tirh an ni a, darkar eng emaw zat an inkap a ni.