Trump-a’n a hna hmasa berah TTP deal sut a tiam

US President-elect Donald Trump chuan nakkum January 20-a US President atana lakluh a nih huna a hna hmasa berah, Trans-Pacific Partnership (TPP) trade deal chu a sut nghal dawn tih a sawi.

Donald Trump hian a kaihhruai sorkara a cabinet turte a ngaihtuah mek a, hemi karah hian a President huna a hna thawh hmasak tura a hmachhawp te chu video message hmangin a tichhuak.

President-elect chuan a thupui ber chu inthlan dawna a au hla, America dah pawimawh hmasak ber, ëAmerica firstí chu a ni dawn tih a sawi a, Trans-Pacific Partnership deal chu an ram tana chhiatna nia a ngaih avangin he inremna aṭanga an inhnuhdawhna thuchhuah hi a siam nghal dawn tih a sawi. He inremna aiah hian America rama hna leh industry tam zawk lakluhna tur, sumdawnna kawnga inremna fel fai tak siam turin hma an la dawn tih a sawi.

Trump chuan Department of Labor hnenah visa hmang dik lo te dapchhuah hna thawk tura a hriattir tur thu a sawi bawk. An rama oil leh gas sector-te tihchangtlun a, coal sector pawh siam len leh a tum thu a sawi. Heng aṭang hian hlawh ṭha hmuhna tur hna tam tak siam a tiam bawk.

National security chung≠changah chuan Trump chuan Department of Defence leh Joint Chiefs of Staff Chairman chu cyber-attack leh kawng dang hmang beih tumna thleng thei laka America infrastructure venhimnna tur ruahmanna fel tak siam tura a ngen tur thu a sawi.