Bulldozer hmangin Palestinian khua chil chhe dawn

Israel sorkar chuan an ram chhim lam, Negev biala Palestinian thingtlang khua, Umm al-Hiran chu tih≠chhiat a nih tur thu a puang. He khua hi Bedouin ho chenna a ni.

Israel sorkar hnuaia ram enkawl hna thawktu, Israel Lands Administration (ILA) chuan Umm al-Hiran khua hi chil chhiat a nih tur thu hi a lo sawi tawh a ni. Israel sorkar chuan Palestinian ram a luah, West Bank-a Palestinian-teín dan loa khua an dinte tichhia a, Juda-te chenna tur siam tur hian ruahmanna a siam a ni. Thingtlang khaw hrang hranga inkulh, Palestinian-te chu khaw lian zawkah sawikhawm a tum a ni.

Negev bialah hian dan loa khaw din 40 vel a awm a, hengte hi tihchhiat vek tum a ni. Heng khuaa cheng tam zawkte chu kum 1948-a Israel ram din a nih hnua an thlahtute khua aṭanga chhuahtir, khaw hmun nghet nei zui ta lo te an ni. Khua an dinte hi Israel sorkarin a pawmpui loh a nih avangin khaw tam zawk chuan electric leh tui supply pawh an nei lo.

Tun thla tir lam khan Israel chuan bulldozer hmangin Negev chhim lama al-Araqib khua a lo tichhe tawh bawk.