Nobel Prize in Chemistry dawng tur puang

Royal Swedish Academy of Sciences chuan 2025 Nobel Prize in Chemistry dawng tur a puang leh a, scientist pathum hnenah hlan a ni dawn.

Chemistry huanga chawimawina sang dawng tura thlante hi Susumu Kitagawa, Richard Robson leh Omar M Yaghi an ni. Kitagawa hi Kyoto University, Japan-a thawk niin, Robson hi University of Melbourne, Australia-a thawk a ni a, Yaghi hi Berley,US-a University of California-a thawk a ni bawk.

Scientist pathumte hi molecules te structure, metal-organic frameworks (MOFs) a dah tel an nih theih dan chungchanga an hnathawh avangin thlan an ni a, an hnathawh hi Nobel committee chuan 'molecular architecture' tiin a sawi. Kum 1970 leh 1980 chhoah khan a hran ṭheuhin structure chungchang hi an zir a, huang zau zawka hman theih tura MoF din a, chemical paihbo duhte dah khawm theihna tura siam a nih theih dan an zirchiang a ni.