Mi 3-in Economics Nobel Prize 2025 dawng dawn

Royal Swedish Academy of Sciences chuan Nobel Prize in Economic Sciences 2025 dawng tur puangin, chawimawina dawng tur hian mi pathum - Joel Mokyr (Northwestern University, US), Philippe Aghion (Collège de France, INSEAD, LSE) leh Peter Howitt (Brown University, US) te thlan an ni.

Economics Nobel Prize hi official-in “Sveriges Riksbank Prize in Economic Sciences in Memory of Alfred Nobel 2025” tih a ni a, kum 1968-a Sweden central bank-in a siam ṭan a ni. Nobel prize original zingah a tel lo. Siam a nih aṭangin vawi 56 sem chhuah tawh a ni a, mi 96 in an dawng tawh a ni. December 10-a chawimawina hlan tur hian Swedish kronor mtd 11 a keng tel. Pawisa fai dawn tur zinga a zahve hi Mokyr hnenah hlan a ni dawn a, a zahve dang hi Aghion leh Howitt ten an insem ang.