Japan-ah LDP leh Ishin in ṭangrual sorkar siam remti

Japan-a Liberal Democratic Party leh Japan Innovation Party, Inshin tia sawi chuan nimin khan ṭangrual sorkar siam an remti thei ta a, vawiinah LDP hruaitu Sanae Takaichi leh Ishin hruaitu, Hirofumi Yoshimura te chuan inremna an ziak ang.

LDP leh Ishin hian ṭangrual sorkar an siam thei a nih chuan, LDP hruaitu atana tun thla tir lama thlan thar, Takaichi chu prime minister a ni thei dawn a, hmeichhe zinga Japan PM ni thei hmasa ber a ni ang. LDP hruaitu atana thlan a nih hnu hian ṭangrual sorkar an siam aṭangin Komeito party a inhnukdawk a, hei vang hian party dang thawhpui tur an dap zui a ngaih phah ta a ni.

Party pahnihten inremna an ziah fel hnuah, Thawhlehni hian Parliament-ah prime minister thar tur hi thlan a ni dawn a ni. Ishin chuan Takaichi hi an vote dawn tih sawi mah se, a cabinet-ah minister-a dah tel an ni dawn lo thung.