Iran-in Israel tana enthlatu tihlum

Iran chuan kar liam ta Inrinni khan Israel tana enthlak hna thawk, Israel spy agency Mossad tana thawk nia puh mi pakhat an tihlum.

Official judiciary news agency, Mizan chuan Supreme Court-in ngaidam tura a dilna a hnawlsak hnuah, enthlatu hi Qom khawpuiah Inrinni zing khan tihhlum a nih thu a tarlang. A hming erawh sawilan a ni lo.

Mizan chuan an mi tihhlum hian kum 2023, October thla aṭang khan Israel intelligence service hi a thawhpui ṭan a, thla li hnuah man chhuah a ni tih a sawi. Mossad hnenah thu pawimawh tak tak a rawlruk ṭhin a, Iran ram chhungah an hna a thawhsak bawk ṭhin a ni, a ti. Thi tura hremna pek chu an ram himna venhimna tur atan a ṭul niin a sawi. Iran hian October 4 khan Mossad thawhpuia, Khuzestan province-a pawikhawihna thlentua puh mi pali a lo tihlum tawh bawk.