Hong Kong-ah bungraw phur thlawhtheihna chesual

Hong Kong-ah bungraw phur thlawhtheihna chu Kong International Airport-a a ṭum chu runway-ah chesualin perimeter fencing a su tlang a, a bul tuipuiah a tla a ni. Thlawhtheihna chesual hian airport ground vehicle chu tuipuiah hian a su thla tel bawk a, motor-a chuang mi pahnih an thi.

Emirates flight EK9788 hi Dubai, UAE aṭanga kal a ni a, Hong Kong airport-ah zing dar 3:50-a a ṭum chu a chesual niin airport thuneitute chuan an sawi. Thlawhtheihnaa chuang mi palite chu chhan chhuah an ni a, damdawi-inah hruai nghal a ni.

Official-te chuan runway-a thlawhtheihna chetsualna chhan hi chhui chian nghal a ni tih an sawi. Hong Kong International Airport hi safety record nei ṭha tak niin, nimina chetsualna thleng hi kum tam tak chhunga airport-a chetsualna thleng rapthlak ber nia sawi a ni.

Chetsualna thlen dan an chhuinaah hian runway-a thlawhtheihna a ṭum dan chu an thlurbing dawn tih an sawi a, airport thuneitute chuan kaihhruaina pawh dik thlapa an pek thu leh, runway-ah pawh kaihhruaina sign dah vek a nih thu an sawi.