Japan PM thar atan Sanae Takaichi thlan a ni

Japan Iron Lady tia sawi ṭhin, Liberal Democratic Party hruaitu, Sanae Takaichi chu nimin khan Japan Parliament chuan an ram prime minister thar atan an thlang a, hmeichhe zinga Japan PM ni thei hmasa ber a ni dawn ta.

Kum 64 mi, Takachi hi ultraconservative niin, LDP harline wing lam a ni. Kum nga chhunga Japan PM palina tur a ni. Nimina Parliament-a vote lakah Takaichi hi round khatnaah majority vote a hmu thei nghal a ni. An ram lalin thlan tlin a nihna hi a pawmpui hnuah PM atan la lutin Shiegry Ishiba a thlak dawn a ni. Ishiba hian PM dinhmun hi kum khat a chelh hman a, Takaichi kaihhruai sorkar dinna turin nimin zingah khan a cabinet member-te an lo theh lut tawh a ni.

Heavy metal drummer hlui, Takaich hi October 4 khan kum rei tak chhung Japan-a sokarna siam tawh leh rorellai, LDP hruaitu atan thlan a ni. Party hruaitu atana thlan tlin a nih hnuah ṭangrual sorkar an siampui, Komeito party chuan sorkar an thlawpna an hnukdawk nghal a ni. Hemi hnu hian Takaichi chuan party dang thawhpui tur a dap nghal a, Thawhṭanni tlai khan ṭangrual sorkar siampui turin Japan Innovation Party (JIP) chu inremna a ziahpui thei ta a ni.