Sudan mipui mtd 30 ten chhawmdawl an ngai : UN agency

United Nations agency pali, International Organization for Migration (IOM), UN Refugee Agency (UNHCR), United Nations Children's Fund leh World Food Programme-te chuan thuchhuah inṭawm siamin, Sudan ram dinhmun a chhe hle a, an ram mipui mtd 30 chuangte chu chhawmdawl an ngai a ni, an ti. Ṭanpui ngai zingah hian tualchhung buaina avanga an in leh lo tlanchhiatsan mi mtd 9.6 chuang an awm a, naupang mtd 15 dawn an tel bawk tih an sawi.

Thuchhuahah hian, "Ni 900 chuang inbeihna a thleng tawh a, mihring dikna chanvo nasa taka palzut a ni a, ṭam a tla a, service hrang hrang a tlukchhiat avangin mi maktaduai tel chu dam khawchhuak tura an beih hram hram a ngai a ni," tiin a bikin naupang leh hmeichhiate dinhmun a chhe zual tih an tarlang.

Tun hnai khan UN agency pali hruaitute chuan Sudan hi an tlawh a, an ram dinhmun chiat ziate a hmun ngeiah an hmu a ni. Sudan tualchhung buaina thleng hi a kum thumna a ni tawh a, essential sevice - healthcare leh education te chuan an chhiat phah tawh hle. Nikum khan ṭam an lo tuar tawh bawk a, tun thlengin an dinhmun hi a la ṭha thei lo.