Khawvel

UN-in Syria chhawmdawlna pek chhunzawm

United Nations chuan Jordan ramri bula Syrian raltlante chu Thawhlehni aṭang khan chhawm≠dawlna pek chhunzawm an nih thu a sawi.

Raltlan tam zawk hi hmeichhia leh naupang an ni a, thlalera camp pahnih siamah an khawsa mek a ni. Jordan chuan ramri-a Islamic State (IS) firfiakte bomb tihpuaha a sipai pasarihte an thih avangin kumin June thla khan Syria nena an inri-na hi a khar a ni. June thla hnu aṭang khan raltlante chhawmdawlna hi pek mumal a ni tawh lo a, an ei tur chu crane hmangin August thla khan pek an ni. UN chuan Jordan sipaite nena inbiakna an neih hnuah raltlante chhawmdawlna tur hi pek a ni tih sawiin, ei tur bakah mutpuan lum te an sem tel a ni.

Trump-a’n Clinton-i chhui zui zel tum lo

US President-elect Donald Trump chuan Democratic Party president candidate, Hillary Clinton-i chu Secretary of State a nih laia sor≠kar thila a private email a hman chungchangah chhui zui zel a tum lo niin a sawi.

Trump leh Clinton-i te hi campaign laiin an inbei na hle a, Trump chuan President a nih chuan Clinton-i hi a thil tih dik loh avangin jail-a pawh a tantir ngei tur thu te a sawi a ni. Mahse President atana thlan tlin a nih hnua hemi chungchang hi chhui zui zel a duh loh thu sawiin, Trump chuan, ì Clinton chhungkaw tihnat hi ka duh lo a niî tiin, hemi chungchang hi buaipui chhunzawm zel a duh loh thu a sawi.

Pakistan sipai hotu thar tur ngaihtuah mek

Pakistan army chief General Raheel Sharif chu tun kar hian a hna aṭangin a bang dawn a, a thlaktu tur ngiahtuah mek a ni.

General Sharif-a hi Pakistan rama firfiakte beih letna kawngah a thawk ṭha a, mipuite pawh a chungah an lawm hle a, sipai chakna hmanga sorkar paihthla turtein an ti hial a ni. November 29-ah sipai hotu hna hi kum thum a chelh tling dawn a, a hna hi a chawlhsan tawh dawn a ni. Amah thlaktu tur hi Prime Minister Nawaz Sharif-aín general pali aṭangin a thlang dawn a, an zingah hian Multan corps commander Lt Gen Ishfaq Nadeem Ahmed-a chu hming langsar ber a ni.