Bangladesh-in ramri khar

Myanmar-a Rohingya Muslim-te chenna, Rakhine state-a sipaiten Rohingya pawl
ṭhenkhat dapchhuah hna an thawh avangin mi tam tak chu Bangladesh-ah an tlanchhia a, mahse tlanchhia an pun chak avangin Bangladesh chuan a ramri a khar zui nghal.

Bangladesh chuan dan loin an ramah Rohingya mi tam tak an tlanchhe lut tih sawiin, Pathianni pawh khan sangha manna lawng hmanga luh tum mi 100 chu Bangladesh Coast Guard-teín an lo dang tih a sawi.

October 9-a Rakhine state outpost beih a nih vang khan border police pakua an thi a, hemi hnu hian security force beitute dap≠chhuah hna thawk turin sipai ṭhahnem tham tak tirh luh zui nghal an ni. Security force leh tualchhung mite inbeihna thleng vang hian mi 86 an thi tawh a, an zinga mi 69 chu hel nia hriat an nih thu sorkar chuan a sawi. Mahse human rights group chuan thi zat hi sorkarin a tarlan aiin a tam zawk niin an sawi thung.

Bangladesh sorkar chuan an ramah Rohingya mi 28,000 chuang an awm tawh niin a sawi a, heng mite hi Cox district-a camp pahnihah an khawsa a ni. Hei bakah hian tunhnaia Rakhine state aṭanga tlan lut, in register lo hi mi nuai nga vel an awm niin a sawi bawk.