Dalai Lama’n Donald Trump hmuh a duh

Tibet sakhaw hruaitu Dalai Lama chuan US President-elect Donald Trump chu nakkum January 20-a President atana lakluh a nih hnuah hmuh ngei a duh thu a sawi a, mahse an inhmuh hun tur hi ruahman a la ni lo.

Dalai Lama leh Trump-te hian meeting an neih chuan China chuan a sawisel leh ngei rin a ni. China chuan Dalai Lama hi China aṭanga Tibet lakhran tumah a puh a ni.

Kum 81 mi, Dalai Lama chuan ram zalen nia a ngaih reng thu leh, inthlan campaign-naa Trump-a ṭawngkam chhakchhuahte chu a ngaimawh hran loh thu a sawi. Hetih lai hian Muslim, Hispanic leh US minority group-te chuan Trump-a thusawi leh ṭawngkam hmante hi an sawisel nasa hle thung.

Chanchin thar lakhawmtute a kawmnaah, Dalai Lama chua, ìInthlan lai chuan candidate-te chuan zalenna zau tak an nei a ni. Mahse thlan tlin an nih hnu erawh chuan mawhphurhna pawimawh tak an chelh zui nghal a, a taka hna an thawh a ngai a niî, tiin US President atana Trump-a lakah hlauhthawnna a neih loh thu a sawi.