SKorean prosecutor-te’n Samsung hqrs an dap

South Korea prosecutor-te chuan an rama company lian ber, Samsung Group headquarters chu thamna sum pea puh an nih chungchangah nimin khan an dap.

Samsung hian an company subsidiary pahnihte chhunfin a nih theihna tura phalna an hmuh avang≠in, President Park Geuh-hye-i ṭhian
ṭha Choi Soon-sil-i enkawl foundation hnenah sum tam tham tak an pe nia puh an ni. Choi-i company, Germany a awm tan wire transfer hmangin euro maktaduai 2.8 an thawn nia puh an ni bawk.

Seoul Central District Prosecutors Office-a special investigative unit chuan nimin khan, Gangnam district-a Samsung headquarters hi an dap a ni. Nikum July thlaa Samsung C&T leh Cheil Industries-te chhunfin an nih chungchanga document pawimawh leh hmanruate an la.

Samsung C&T leh Cheil Industries chhunfin hi Samsung C&T-a shareholder lian pathumna, Elliott Management chuan a duh lo a, mahse share neitu lian ber pahnihna National Pension Service (NPS) chuan a thlawp thung. Prosecutor-te hian NPS operator headquarters pawh an dap nghal bawk.