Japan-ah lir a nghing leh

Japan ramah nimin zing dar 6:23 khan magnitude 6.1-a nain lir a nghing leh a, a hnu darkar khat leh a chanve chhungin ṭum nga a nghing nawn leh bawk.

Nimina lir nghinna bialah vek hian Thawhlehni khan magnitude 6.9-a nain lir a lo nghing tawh bawk a ni. Lirnghing hian thil tih chhiat lian tham a neih hriat a ni lo a, tsunami warning pawh tihchhuah a ni lo. Lir nghin ṭanna bula nuclear power plant pahnih, Fukushima Daiichi leh Fukushima Daini-ah pawh harsatna a thleng lo nia sawi a ni.

Lirnghing hi Tokyo, Aomori leh Shizouka-ah pawh hriat a ni a, tuifawn dan tidanglam mah se hlauhawm tham erawh a awm lo. Thawhlehni-a lirnghing khan tuifawn meter 1.4-a sang a siam a, tuipui kama cheng mi 10,000 chuang chu sawnchhuah an lo ni tawh a ni. April thla khan Japan chhim lam, Kumamoto bialah ṭum hnih na takin lir a nghing a, afterschock ṭum 1,700 chuang zet a awm bawk. He lirnghing vang hian mi 50 an thi a, thil tam tak a tichhia a ni.