Suu Kye-i’n inbeihna titawp turin ngen

Myanmar State Councelor Aung San Suu Kyi-i chuan an ram hmarlama helpawl ṭhenkhat, sorkar sipai nena inbei mekte chu tharum thawhna bansan a, inremna siam tura sorkar hmalakna chu zawm turin a sawm.

Sorkarin helpawl ṭhenkhat chu inkahhai puang turin inremna ëNationwide Ceasefire Accord (NCA)í a ziahpui tawh a, mahse pawl dang eng emaw zatin he inremna siam hi an la pawmpui ve lo.

Helho nena inremna siampui tura hmalatu, National Reconciliation and Peace Center-ah Suu Kyi-i hi chairperson a ni a, an ram hmarlam ramri-a helpawl leh sipaite an inbeih hnua a ṭawng≠chhuahna hmasa ber a ni.

Suu Kyi-i chuan inbeihna thleng vanga thi chhungte leh hliam tuarte chu a tawrhpui thu a sawi nghal bawk. An ramah inpumkhatna, remna leh muanna a awm theih nana hma an lak mek laia helpawlte pawikhawihna thleng leh chu pawi a tiin a rilru a tihrehawm hle tih a sawi. Helhoin ramri-a lei leh border post an beihte chuan inkalpawhna leh insumdawn tawnna kawng thlengin a nghawng buai tih a sawi bawk.

Pathianni zing khan ramri bul, Shan state-ah sorkar nena inkahhai la puan duh ve lo, helpawl pathumte chuan sipai outpost leh police station-te beiin, sipaite nen an inkap zui a ni. Security force beitu helte hi Kachin Independence Army (KIA), Taíang National Liberation Army (TNLA) leh Kokangís Myanmar National Democratic Alliance Army (MNDAA)-te an ni.