US Navy aircraft pahnih chesual

US Navy aicraft pahnih, MH-60R Seahawk helicopter leh F/A-18F Hornet fighter jet chu Pathianni khan chesualin South China Sea-ah an tla. Aircraft pahnih hi minute 30 leka inthlauah an chesual a ni.

US chuan aircraft chetsual thu hi sawi mah se South China Sea-ah eng thil nge an tih a sawilang lo. China Minsitry of Foreign Affairs chuan military exercise an nei niin a sawi thung.

Aircraft pahnih chetsual dan hi chhui chian mek a nih thu US Navy chuan a sawi. US Pacific Fleet in a tarlan danin, MH-60R Seahawk helicopter hi aircraft carrier, USS Nimitz aṭanga a thlawh chhuah hnuah chawhnu dar 2:45 khan South China Sea-ah a tla a, helicopter-a chuang mi pathumte chu him taka chhan chhuah vek an ni. Chawhnu dar 3:15-ah USS Nimitz aṭanga thlawk chhuak bawk, F/A-18F Super Hornet chu chesualin tuipuiah a tla ve leh a ni. Crew member pahnihte pawh chhan chhuah an ni bawk.

USS Nimitz hi khawvela indo lawng lian ber zinga mi niin, US aircraft carrier upa ber a ni a, kum 2026-ah chawlh tir an tum tawh a ni.