Russia-in cruise missile enchhin zo

Russia president Vladimir Putin chuan nuclear powered cruise missile enchhinna chu hlawhtling taka zawh a nih thu Pathianni khan a sawi.

President Putin chuan Pathiannia military official-te nena meeting an neihah he thu hi sawiin, test pawimawhte neih zawh fel tawh a ni, a ti. Russia sipaite hman turin he ralthuam dahna tur infrastructure pawh buatsaih nghal turin thupek a tichhuak bawk.

Putin chuan an missile thar chu danglam bik, eng ram dang mahin an la neih ve loh a ni tih a sawi. Missile an enchhin hnuhnun ber hi October 21 kha niin, darkar 15 chhung a thlawk a, km 14,000 a thui a thlawk tih military chief of staff Valery Gerasimov chuan a sawi.

Kum 2018 khan Putin chuan missile an siam mek thu hi a lo sawilang tawh a, kum sarih hnuah a enchhinna pawh an zo thei ta a ni.