Iraq-a bomb puakah mi 100 an thi

Iraq khawpui, Baghdad chhim lama Hilla khuaah Ningani khan truck bomb a puak a, mi 100 an thi. Thi zinga a tam zawk hi Iran aṭanga biakzina kal Shiíite muslim te an ni.

Islamic State chuan bomb tipuaktu an nih thu an sawi.

Bomb puaka thi te hi Iraq-a Shiíite khawpui thianghlim, Kerbala tlawha kal Iran lama kir turte an ni a, petrol station-a an din laiin truck bomb hi tihpuah a ni. Bomb puak vang hian khualzinte chuanna bus panga a kang niin police-te chuan an sawi. Kumin chhungin Kerbala hi mi maktaduai 20 velin an tlawh tawh a, an zingah hian Iran mi maktaduai thum vel an awm niin Iraq thuneitute chuan an sawi. Khawpuiah hian venhimn hna thawk turin Iraq sorkar chuan security force 25,000 vel zet a dah.

Iran Foreign Ministry chuan pawikhawihna thleng chu a dem thu sawiin, Iraq-in firfiaka chetna doa a beihna chu Iran chuan a thlawp zel dawn a ni, a ti. US pawhin firfiakte pawikhawihna thlen chu a dem thu sawiin, he thil thleng hian IS hneh tura an beihna tha a tichak zawk dawn a ni, a ti. US State Department chuan Iraq thuneitute an bepawp reng bawk.