SKorea-ah eptuten kawng zawh leh

South Korea President Park Geun-hye-i ban phut≠in Irinni khan Seoul-ah mipuiin kawng an zawh leh a, mi maktaduai 1.5 vel an tel nia sawi a ni a, kum tam tak chhunga Seoul-a mipui punkhawm tamna ber a ni.

SKorea president Park-i hi sorkar inrelbawlnaah a ṭhianṭha, sorkara nihna pawimawh engmah chelh lo, Choi Soon-sil-i a inrawlh tir avangin na taka sawisel a ni a, a thiltih avang hian President pawh hian ṭum hnih mipuite hmaah ngaihdam a lo dil tawh bawk.

Kar nga liamṭa aṭang khan eptute hian chawlhkar tawpah President ban phutna kawngzawh hi an huaihawt ṭhin a ni. Kar kalta Inrinni zana Seoul-a pungkhawm hi a huaihawttute chuan maktaduai 1.5 vel niin an sawi a, khawpui dangah mi nuai li velin nawrh an huaihawt bawk. Seoul khawpuiah hian venhim hna thawk turin police officer 25,000 dah an ni a, mahse buaina chhuak erawh a awm lo.