Eirua puh Brazil minister a bang

Brazil minister Geddel Vieria Lima chu eirua puh a nih avangin a bang. Eiruknaah hian President Michel Temer pawh inhnamhnawiha puh a ni bawk a, mahse president chuan puhna hi a pha thung.

Lima hi Temer-a kaihhruai sorkara minister zingah eiruk kaihhnawiha bang pali-na a ni.

Culture Minister hlui Marcelo Calero chuan minister a nih laiin, Lima hian Bahia state-a Salvadore district-a luxury apartment sak phalsak turin a nawr niin a sawi. Mahse apartment sak tumna hi heritage site a nih avangin ministry chuan a veto hmangin he project hi a hnawlsak.

Calero hi kar kalta khan minister a nihna aṭangin a bang tawh a, police-teín thu an zawhfiahnaah ministry thutlukna siam hi thlak danglam turin Lima leh president Tremer-te chuan an nawr nasa hle niin a sawi. Mahse Tremer chuan hemi chungchang hi Calero a sawipui lo niin a sawi ve thung.