King Charles-a'n Andrew-a 'prince' title hlihsak

Britain lal, King Charles III chuan a nau, prince Andrew-a 'prince' title a hlihsak a, Andrew Mountbatten Windsor tiha sawi a ni tawh dawn tih Ningani zan khan Buckingham Palace chuan a puang.

Kum 65 mi, Andrew hi a khawsak dan sawi hlawh tak tak avang leh, mipat hmeichhiat lam hawia mawi lo taka chea thiam loh chantir, Jeffrey Epstein nena inzawmna an neih dante chu hun eng emaw chen chhui chian a lo ni tawh a ni. A mimal khawsak dan sawisel hlawh tak tak a awm fo a, hei vang hian tun thla tir lam khan royal title a neih dan, Duke of York leh a dangte pawh a lo titawp tawh bawk.

Buckingham Palace thuchhuah chuan prince Andrew-a 'prince' title chu hlih sak a nih bakah, kum 2003 aṭanga a lo chen tawhna Royal Lodge aṭanga insawnchhuak tura tih a ni bawk. England khawchhak lama Sandringam Estate-ah a insawn dawn nia sawi a ni.